7人車可以多載幾個乘客，車廂寬敞闊落舒服，屋企人見到例必讚。不過，好坐還好坐，但高重心加上大嚿車身笨重又遲鈍，對駕駛開房車或揭背車的車迷來說，未去到迫不得已地步，叫佢哋換車肯定耍手擰頭。

除非，有7人車可以畀到佢哋近似房車操控，閒時又可以快劈兩轉提供到一定駕駛樂趣，然而符合以上要求的7人車確實有，就今次的Toyota Wish和Honda Odyssey便肯定可以滿足佢哋要求！