車友閒談吹水，話題突然間談及換電動車！奇怪，這班開了傳統車三十多年的「死硬派」，一直抗拒電動車，為何突然「轉軚」？其中一位車友劈頭第一句，而家油價接近$30一升，養汽油車真係好貴。唔講唔知，講左先知，現時普通電油$27.74一公升（截稿前），入40升接近$1,109，折扣後也要$700，怪不得車友們話要換電動車！

電動車售價由二十萬元起，據不少用家稱，電費約油價的三分一，假設每月入油$3,000，電費開支則為$1,000，表面看起來確實省了不少錢，但另一位車友卻指出，現時電動車款式眾多，市場競爭極大，為了吸引客人，新車的售價一直往下尋底。新車車價平，導致電動車在二手市場有價無市，交投亦不多，所以電動車車價可在一年內跌近八萬，這亦令到不少油轉電的用家卻步。

油價居高不下，不少人已經嘈足幾十年，但你有你鬧，油價亦繼續升，車友們矛頭直接當局監管不力，多間油公司價格越來越高，令到不少搵食車百上加斤。而作為日常用車的人士，最好當然是減少用車，以減低燃油費的開支。車友稱為了省錢，近日不少車主已開始留意混能車Hybrid，其中一位近年轉用混能車的車友稱，以前全油車每個月入三缸油，現時卻只入一缸。當然，每個人的駕駛方式不一，市區路或高速公路亦影響耗油量，單一個案不能作準。而另一位車友是二手車營業員，他說近半年混能車Hybrid的銷情有點誇張，差不多每兩天就賣出一部，當中以日系混能車Hybrid最受歡迎，部分客人更留電話排隊，而且有貨到不見車已即時落訂，到底現時這個汽車市場局面，是高油價還是電動車品牌太多造成？