全保加雪胎

就算駕駛技術幾好，首先筆者都強烈建議租車時買全保，以Toyota Rent a Car為例即是「安心W方案」，一日俾千零日圓，除有第三者保險外，有意外時仲可以免除汽車維修費同營業損失賠償等，咁?車就冇咁大壓力啦！此外，雪地亦必須選用雪胎，因胎紋較深及膠質耐寒，行車安全好多。至於需唔需要加「雪鏈」就視乎你去?地區係咪長期積雪，不過筆者遊遍北海道就未見過有車用了……

記得用四驅

雖然北海道大部分出租車先天已配備四驅系統，但租車時都係揀埋4WD車輛穩陣，因為在雪地真係意想不到咁有用，以前驅車為例，前輪打滑時就會將動力傳去後輪，雪地起步打滑同出彎踩油推頭情況都會大大減少。如波箱有雪地模式，亦記住要用埋。

路面冇線跟

雖然北海道主要公路會每日除雪，但落大雪時會覆蓋整個地面，完全睇唔到道路分隔線，最危險係連燈位同班馬線都睇唔到！呢個情況除要慢駛外，最緊要係跟其他前車線道行，而燈位路口其實兩邊路旁亦會有「停止線」路牌，睇清楚就唔會亂衝燈。

雪地跟胎痕

去到郊外路面經常都會有幾cm積雪，其實呢?路面唔算太危險，只要?得慢同跟前車保持超過10秒距離就得，重點係要跟住雪地凹入的胎痕行走，除抓地力較好之外，胎痕兩邊凸起的積雪亦可固定車輪的行車軌跡，冇咁易跣來跣去。

反光路最危

地面冇積雪並唔代表易行，遇上反光路面反而更危險！事關未必係濕地咁簡單，好多時其實係冰路！因為積雪溶解成水後，會重新結成冰，呢類冰路比雪路的抓著力低2倍以上，一駛上去?感就會即時輕晒，要立即慢慢減速，轉彎同踩brake的速度及力度亦要大幅減輕。需要停車前唔好信晒ABS，因為在冰路的煞車距離難以預計，最好提早大段距離重複輕力煞車試?減速反應，否則好易炒車！

大雪用低燈

日本大部分郊區冇路燈，試過夜間自駕遊的朋友都習慣開高燈睇遠啲，但落雪時就千祈唔好用高燈，因為迎面雪花會反光完全阻擋視線，所以只好用低燈行慢?。另外，前車或對面線車輛亦會突然刮起地面雪花，好似香港落大雨咁令視野完全受阻，呢個時候切忌突然大力煞車，因為?雪地上好易失控。所以最好留意同記住前面一段路?路況，突然睇唔到路都知轉左定轉右，可以低速繼續行駛。

動物隨街行

北海道路旁經常有鹿、狐狸、熊之類出沒的警示牌，唔好以為係流，郊區真係經常會有動物跳出馬路！但雪地突然大幅轉向同煞車都好易失控，遇上呢類情況只好盡可能安全煞車，避無可避撞上亦冇辦法，唯有立即通知租車公司處理。

專用水撥水

雪地路面冰、水、泥交雜，在多車的地方經常彈到成個擋風玻璃污糟晒，所以跟車?水撥水好快會用晒。呢個時間千祈唔好亂加普通水，因為一般水會結成冰，在緊急情況下就冇水出！應該在出車前問定租車公司提供，或到油站購買防凍結水撥水先好入。

過夜起水撥

雪地租車會跟車有一支冰刮，一邊係雪擦，用來掃雪；另一邊係起角同平滑的雪鏟，用作刮走擋風玻璃冰粒，因為車泊室外過夜經常都會好似圖中咁冰封，出車前最好先著引擎等warm-up、開尾玻璃發熱線同開暖風吹大銀幕，再慢慢清理積雪。如果唔想水撥同擋風玻璃結冰合體咁難清理，最好夜晚先拉起水撥。