踏入新一年作為駕駛者真的要小心，原來不知不覺間，大部分「牛肉乾」定額罰款都加價，而且加幅一點都不少。車友聚會間，有人取出一份列表，當中有近19項的修訂，大家睇完之後都「嘩嘩聲」！

違例泊車定額罰款由$320加到$400，在坐已有兩位車友在1月1日已收取這份新年賀禮，有停車場不泊選擇泊街，被人抄牌大家都認為是「抵死」！但看看那19項違例事項，當中「入門級罰款」超速15km/h以下由$320調升到$480；而高出45km/h的由$1,000調到$1,500，加幅認真厲害。反而過往大家認為罰得最重而又經常干犯的Cut雙白?，由$450加到$675則相對溫和。

其中一位開搵食車的車友稱，對於他們而言，在限制區內讓乘客上落由$560調升至$840亦屬加幅大。車友稱，因為好多時候客人要求，所以都會在客人所指的定點落車，若果這樣被罰$840的話，差不多全更的收入都沒了，等如白做！此話一出，即時被在場的車友指罵，正正就係這種駕駛態度，客人叫你停車，你就停車讓他落車，之後被人抄牌又話「個客叫既」！那客人要求在吐露港快?落車，司機又會否停車？加上現時抄牌罰款，不一定遇上交通警才會「中招」！因為坊間有不少人拍照或拍片後，將相關檔案發到交通部，到時你自己就會收到「交司機通知書」！所以直接一點，交通違例罰款加幅如此大，大家開車還是小心開車不違法便可。