鍾意玩揭背車車迷都會識Clio R.S.，12年前16萬有找就有172匹馬力，加埋輕量化1,035kg車身，0-100km/h加速快到7.2秒搞掂，就算你未擁有過，在街上都總會見過它。 12年後的今日，Clio R.S.隔代強勢回歸，先換上如電影《激戰》中張家輝的爆肌造型，後就由三門揭背車身變成實用五門揭背，以往獨沽一味的棍波再變到有雙離合器自動波，加上全新200匹1.6 turbo引擎和好玩R-Sound Effect扮勁車engine聲，是近日最具話題性的法式揭背跑。