大家入滿一缸油要幾多錢，港幣$800定1,000蚊? 咁滿滿一缸汽油又可以行到幾多公里呢？相信大家心中已經有個數。最新到港嘅豐田Prius C，油缸容量36升，以目前油價$16.70計算，只需$601.2已經食飽飽。廠方公佈以JC08模式測試，耗油量為35.4km/L，而香港代理皇冠汽車公佈耗油量為26.5km/L，即係照計最少都可以行到954km，但係大家千萬唔好忘記，Prius C仲有純電動驅動模式（EV Mode），駕駛態度好D，得閒用下EV，一缸油行超過1,000公里，冇難度！